17/07/2009

播放本新聞相關短片

趙碩之減肥保DCup打低(o靚)模

本文重點
趙碩之(Wylie)積極減肥迎接炎夏,經過一輪地獄式狂減後,最驕傲是腰圍由25吋激減至23.5吋小蠻腰,重現昔日小腹肌,更希望有機會做打女!

近日(o靚)模雖然愈出愈濫,卻憑青春無敵和肯搏肯露成功搶灘,連封胸一排的Wylie都要解禁出山!為了迎戰來勢「胸胸」的(o靚)模,擁有驕人身材的Wylie務求精益求精,瘋狂節食減肥以最Fit狀態示人。

Wylie高興地宣布減肥成功:「我條腰依家得23.5吋,足足細咗1.5吋,可以着露臍裝。」至於Wylie的D神Cup數亦力保不失,只是胸圍細了3吋,得33D,她最開心是再見久違了的腹肌:「讀書時玩劍擊,一直都有腹肌,依家雖然瘦番,但已經冇以前咁多。(想練番幾多舊腹肌?)唔一定幾舊,女仔嚟講已經夠,多就唔好,同身材一樣。」

拒單靠咪咪發圍

雖然Wylie擁有豐滿咪咪本錢,卻不想大家將焦點集中在其咪咪上,她說:「我想自己整體都靚,唔係只靠上圍,最近除咗Keep身材之外,仲好留意有關功夫、打拳嘅資料,我想做打女,動作演員係我嘅目標,自己一直有留意電影,發現未有動作新演員出現,自己好想試吓,我唔係自大,我係運動底,對拍打戲好有信心。」

場地:螢八爐端燒

髮型:Jackal@Hair

文:音樂組

攝:沈健程