17/07/2009

播放本新聞相關短片

曹卓榣睇周秀娜偷師

年僅17歲、有「翻版唐詩詠」之稱的曹卓榣(Cc)將在書展推出處女寫真,由於今年寫真多如雨後春筍,年紀輕輕的她,卻要在本月22及24日親臨書展舉行簽名會,不過她對自己充滿信心,皆因擁有無敵青春!

對於有網友發起杯葛(口靚)模行動,誓死捍衞一個早已不再學術的書展,她淡定地說:「都唔係話我,我同佢哋(口靚)模唔同,我都冇刻意賣弄。(但(口靚)模特點係矮,你身高164cm,難免被波及?)我係平面Model,唔使咁高,太高反而用唔着。(諗住點突圍?)其實我打算出寫真嗰時,都冇聽過有其他人話要出,唔知點解臨近書展,就突然多咗好多人話要出,我嘅特點係青春、健康、性感。(點睇其他對手嘅寫真?)我有興趣想睇吓周秀娜本寫真,因為佢好有女人味,而我嘅賣點就係17歲,青春、健康,各有各嘅優點。」