17/07/2009

播放本新聞相關短片

祖兒喊驚啋啋聲

入行十年的容祖兒前晚與英皇群星現身音樂會,洪卓立及鍾舒漫分別唱出其經典金曲向她致敬,祖兒獲致敬後登場,即時高呼:「啋瘟!」但仍感謝兩人的好意。

祖兒前晚穿上斑馬衫配合特色絲襪晒長腿,與蔡卓妍及泳兒等攜手舉行《新城POP QUEENS音樂會》,洪卓立與鍾舒漫則分別唱出《Goodbye》及《借過》向師姐致敬,藉此奠定祖兒在樂壇的殿堂級地位,但祖兒對此似乎「不太受落」,在台上笑說:「頭先竟然有人向我致敬,真係啋瘟咯!」

開拓華語巿場

訪問時祖兒又透露早前才看到Rundown,得知師弟妹會向她致敬,當時已感到「得人驚」,她謙虛地說:「我仲係新人嚟㗎咋!」她又表示展望開拓華語巿場,為港人爭光。

早前有雜誌指祖兒與泳兒因爭寵鬧不和,兩人再次同台演出。泳兒被指打頭陣出場較蝕底,祖兒即發揮大師姐本色,為泳兒出頭,她說:「打頭陣好慘,啲觀眾未熱晒身,反應係累積嘅,學阿Sa話齋『前人種樹,後人乘涼!』」

泳兒爆線露底

獲祖兒維護的泳兒,前晚性感瞓身演出,貼身自摸兼胸壓男舞蹈員,忘我跳到失手露黑底,泳兒說:「都知條褲鬆,搵針線縫過,點知跳跳吓爆線。會吸取經驗,下次着條靚啲嘅底褲。」