潮媽Kelly與老公Alex的愛情結晶品小劉昇（Chace）備受注目，昨日她發放6張囝囝的靚相，包括4張Kelly抱着Chace的合照及兩張Chace獨照。相中Kelly繼續束起馬尾抱着愛兒，而Chace則穿上可愛的牛牛裝，閉起雙眼，看來已適應家中的生活。劉氏一家前日返家後，BB房的首席設計師Alex第一時間帶囝囝入房，據知房間以藍色及白色為主，Kelly笑說：「都係想溫和啲，同埋最緊要夠型！BB第一晚返嚟已經好適應，瞓嗰陣仲會微笑！我哋睇到都好甜！」

老公Alex充當攝影師，為老婆及囝囝記下成長時刻。	放大圖片	只有七日大的小劉昇表情多多，不時「O」嘴。

親自為愛兒沖涼

他們又親自為愛兒沖涼，Chace更邊沖邊咯咯大笑，氹到Kelly及Alex冧晒！Kelly坦言最喜歡囝囝身上的香味，前晚依足傳統以薑水洗頭沖涼後，便全程陪着愛兒，果然是廿四孝媽媽。爸爸Alex除了設計BB房外，亦充當愛兒的專用攝影師，為他拍下不少靚相，記錄成長過程。而表情多多的Chace最愛「O嘴」，非常搞笑，Chace被指較似爸爸，但Kelly卻沒有呷醋：「似Daddy好！手長腳長咪高啲囉！BB好好奇四圍望，我哋有抱佢行一圈，但始終仲細，所以成日瞓覺！」Chace未出世時被Kelly叫做「大力B」，出生後卻變「大食B」，餵母乳的Kelly遵從母親的谷奶餐單，好讓Chace有足夠「食糧」。