對於網民群反對(口靚)模殺入書展，劉欣宜（E Cup Baby）說：「模特兒就係模特兒，都冇人叫我做(口靚)模！（劃清界線？）我唔認亦唔否認，我係我自己！」對於網民行動，她說：「係反書展垃圾化，唔係話我哋，我仲讀緊書，一直冇停過！」而她前晚出席首映時，竟自言不是行性感路線：「係傳媒Focus錯咗，我哋係Sell青春活潑！」她表示被指將退出書展是誤會：「唔係避，兩萬本寫真買剩四百本，所以唔需要簽名會！」而莊思敏得悉劉欣宜自稱並非行性感路線後愕然地說：「吓！係咩？可能大家睇法唔同。」
擁有34E上圍的鍾蕙芝（Lavina）自言是平面模特兒：「(口靚)模係外界嘅稱呼，我一直係接平面工作，係平面模特兒，我今年都22歲，比佢哋大好多，而且我讀完大專學位，同佢哋好唔同。」
「局外人」諸葛梓岐亦幫口說：「只要有Fans支持，係咪(口靚)模都沒所謂，寫真集賣得好係佢哋本事，做得靚做得型，(口靚)模都係勁！」