最近嫩模成風，吸引大批電車男Fans之餘，亦引起網友的反對行動，更揚言要一眾(口靚)模滾出書展。昨日Kama、A. Lin（裴殷）和DaDa（盧頌之）齊齊出席在朗豪坊舉行的Xbox 360活動，Kama顯得不願跟兩人並排，還露出不屑表情。而現場有大班A. Lin和DaDa的Fans舉牌吶喊支持，可是Kama卻無甚Fans撐場。

自言是「潮模」的Angelababy，拍攝鐘錶廣告。	DaDa（右）及A. Lin自封「藝能模特兒」，可算有創意。	Kama（右起）明顯不願與DaDa及A. Lin並肩而企。

提到網友行動，三人強調自己不是(口靚)模，Kama更寧願「降呢」，自貶做普通Model，問到是否想脫(口靚)離模行列？她說：「我唔係(口靚)模，係普通模特兒。（(口靚)模有貶意？）大家諗法唔同，以前係指後生，依家唔同咗。」對於胡心諾（Rainbow）被踢出校，她說：「希望佢可以完成最低嘅中五學歷，不過讀唔到書另謀工作都好正常。」她又稱不擔心書展的反(口靚)模行動，因其簽名會有台階，與書展攤位分開。

A. Lin抗拒稱號

至於A. Lin和DaDa則突然「升呢」自封是「藝能模特兒」：「我哋講過好多次我哋唔係(口靚)模。（咁係咩？）係藝能模特兒，有拍舞台劇同劇集。（抗拒？）係傳媒畀嘅，有少少抗拒。」對於有嫩模要取消簽名會及被踢出校，兩人不予置評。

至於「(口靚)模始祖」Angelababy日前為胡敏珊的自家鐘錶品牌Chouette擔任代言人，並與師弟兼緋聞男友James拍廣告。對於網友行動，Baby經理人Kim表示不擔心︰「佢唔係(口靚)模，我哋簽名會會如期舉行，有保安維持秩序，Baby未諗着咩衫出席。（書入面穿Deep V？）係低胸晚裝，書入面冇咩性感，我哋賣時尚，今年多布過上年，希望大家正面評價。」

相反Rainbow及「新邦民女」陳嘉寶不抗拒(口靚)模稱號，Rainbow說：「呢條路對得住自己，希望大家明白性感係工作需要，我平時出街唔係咁。」

「翻版唐詩詠」收胸圍

此外，有「翻版唐詩詠」之稱的嫩模曹卓榣昨日在旺角宣傳寫真集，並把外套拉鏈拉低展示Bikini Top，又拿出Roller鞋出來及彎腰綁鞋帶，期間接受組合熊貓送胸圍，十分騎呢！對於反(口靚)模行動，她說：「我係Artist，我拍戲，唔係(口靚)模，係健康性感。（點解送胸圍？）同部戲有關。（三級片？）我得17歲咋。」