繼被踢爆遭學校開除而非主動退學後，Rainbow昨日又被網友起底，指她在小西灣一間中學就讀時，因麻煩多多兼無心向學而被開除。被連番狙擊的Rainbow，昨日在經理人兼緋聞男友Admond及Monique陪同下接受本報專訪，她平靜地表示從沒就退學一事講大話，更哽咽說：「點解啲人要咁對我？我冇講過大話！我有啲唔開心，尋晚瞓唔着，喊咗一陣。」
她澄清在小西灣就讀中學時，因覺得學校環境不適合才轉校，並非被開除，更力撐從頭到尾沒有做錯任何事：「工作方面，我冇做錯嘢，只係後悔當初冇喺小西灣讀埋中四先轉校。」談及被網民針對，她表示盡量不瀏覽有關批評，並強調只是誤會：「佢哋唔清楚我嘅個性啫！」前晚出席首映時，她亦強調自己「有心向學」：「我唔係唔讀書，只係同家人商量過，覺得轉讀夜校適合啲。」她還自稱校內成績理想：「唔可以話差，我中文試過全級考第四。（小學嗰陣？）……F.2嗰年。」
另外，對於Rainbow與Lavina被迫撤離書展，Admond強調她們只是因寫真集已大賣，才不用到書展宣傳。