假設題

問︰遇着啲朋友有臭狐，會點樣對付？

答︰忍住，人家私人嘅健康問題都要尊重他人。

問︰如果拍外景時，個公廁又臭又污糟又濕又暗，你寧願死忍定頂住照去？

答︰會去，一直忍住對身體唔好，仲會影響拍攝狀態。

解碼︰做模特兒好多時都會喺又細又焗嘅後台換衫，通風唔好，如果遇上天氣熱，個行家又係「小狐仙」，都唔好話唔攞命，不過陳碧舸覺得每個人都有每個人嘅難處，冇必要講出嚟令人難受。連人咁複雜嘅動物，陳碧舸都忍到，所以去臭廁所又算得係咩大件事呀！陳碧舸話試過去西藏做嘢，地處荒涼，有時連廁所都冇，但唔去忍住，又會影響工作情緒，所以拿拿臨搞掂先開工。

飲食題

問︰有咩古怪嘅飲食習慣？

答︰唔食葱、蒜、薑、韭菜、牛奶、雞蛋、紅蘿蔔、柿子。印度菜同墨西哥菜呢類香料比較重嘅菜式都唔食。

解碼︰擁有標準模特兒身材嘅陳碧舸，原來也有偏食嘅習慣，所以濃味食物一定唔可以進入她嘅胃。唔知道係咪同呢個飲食習慣有關，唔少同陳碧舸說過悄悄話嘅朋友，都發現佢「呵氣如蘭」。

原來陳碧舸也有偏食的習慣，不愛濃味的食物。

放大圖片

感情題

問︰如果有個有錢但係花心，有個冇事業但係忠心嘅人追你，你會揀麵包定愛情？

答︰愛情！

解碼︰陳碧舸出生小康之家，有齊外在美同內在美，所以難怪佢信心十足話麵包可以自己賺，但係佢要搵一個唔偷食嘅男仔做白馬王子，不過唔好誤會，碧舸話佢嘅靚仔唔等於帥哥，而係有內在美心地好嘅男士，佢相信相由心生，心地好嘅男士，個樣都一定靚。

放大圖片	陳碧舸表示自己有力能賺麵包，所以她揀愛情。

生活題

問︰喺屋企自己一個人嘅時候，會唔會唔戴Bra通屋走？

答︰當然會啦！唔係會好辛苦。

解碼︰Bra係好貼身嘅衣物，冇人嘅時候嚟個大解放，都真係幾爽！尤其係陳碧舸依家過緊獨居生活，一個人喺屋企自由自在，當然也要讓「咪咪」抖抖氣啦！

驚嚇篇

問︰見到曱甴會有咩反應？

答︰試過去朋友屋企瞓，夜晚瞓覺有隻曱甴爬過我隻手，結果我成晚都瞓得唔好。

問︰有冇咩特別辦法去防止打噎？

答︰可以叫身邊朋友喺我唔覺意嘅時候嚇我，或者捏住個鼻飲啖水再閉氣。

解碼︰曱甴先生斷估都唔會同陳碧舸一樣喺佢朋友屋企度借宿啩？冇理由成間屋咁大都搵唔到條生路行，要經過陳碧舸隻手返屋企啩？所以相信醒目嘅曱甴先生係見碧舸隻手咁滑，想試吓「滑雪雪」Feel啫！至於畀人嚇可以止打「噎」，呢招睇《公主復仇記》阿嬌都用過，應該Work！