將於書展推出新書的傅穎（Theresa），在書中大爆曾遇感情騙子，由於未有透露騙子身份，故與她有「關係」的人紛紛被拖落水。昨日金牌大風香港區行政總裁陳輝虹接受本報訪問，對於Theresa所講的「騙子」，他竟笑說：「我覺得呢個人存唔存在都成疑問，可能係幽靈！（佢講大話？）唔係話佢講大話，要睇吓佢本書有冇嘢講。」輝虹透露曾查問騙子身份，惟Theresa指並非公司同事。提到鄧麗欣與Theresa將前後腳出席書展簽名會，輝虹否認有意避碰頭。

梁漢文	傅穎自爆曾遇感情騙子，卻被公司高層陳輝虹質疑「他」的存在性。

至於Theresa昨日在網誌吐心聲，除了分享早前到台灣拍攝MV的趣事外，還重申「感情騙子」屬實，但沒有意思公開。對於嫌疑人物，她繼續給提示：「我好像沒說過他有跟我合作過……只是沒正面回應……名單內的名字是搞笑的嗎？都說不是公司同事嘛！」

梁漢文置身事外

同公司的側田與梁漢文（Edmond）昨日出席《超級巨聲》節目，自言視Theresa為妹妹的側田表示沒有留意報道，會致電慰問對方，並堅稱同事間相處和諧。而Edmond則置身事外說：「唔估！唔關自己事唔想回應，反而想講公司畀人話拖糧嘅事，冇發生過喺我身上」

另一嫌疑人物方力申昨日亦為自己平反，他說：「又關我事？之前唔係話我追佢唔到因愛成恨咩？唔明點解次次有我份。（鄭中基嫌疑最大？）更加冇可能！（你知係邊個？）藝人有自己生活，識咩人我哋點會知，睇完佢本書可能會搵到答案！」