前晚曹格出席《2009香港先生選舉》活動，教授十二位參賽者台上必殺技，又抽選參賽者即場獻技，期間由參賽者(5)田學維、(10)吳雲甫分別獻唱曹格歌曲《背叛》及黃品源的《你怎麼捨得我難過》，而(12)呂庭鋒則表演霹靂舞，但曹格彈首兩位參賽者唱功麻麻。

呂庭鋒表演霹靂舞，算是較有睇頭的一位！

十二位港男一齊上堂學習必殺技。

自嘲外表普通

對於今屆港男，曹格說：「對(5)印象較深，因為佢個樣似潘瑋柏，又夠膽量。（佢唱成點？）我唱得好啲，佢Talent（天分）唔係唱歌，佢咁靚仔唔應該唱曹格嘅歌，佢笑容咁好，有啲人唱歌迷人，有啲人笑容迷人，我個樣就普通到落廟街都搵唔到！（將來畀個仔參加港男？）冇所謂，佢鍾意咪嚟，多新人多新鮮感。（着泳褲喎？）可能佢鍾意呢！我怕醜，平時底褲都唔着，只係着孖煙囪，因為我怕三角褲。」

另外，田學維視曹格為偶像，有機會在他面前獻唱，夢想成真，對於偶像指他似潘瑋柏，他說：「曾經有報紙講過。（鍾唔鍾意？）冇意見。」