早前被指與內地女星董維嘉搭上的林文龍，最近又被指與太太郭可盈感情變差，決意離婚，可惜欠下可盈逾百萬元未清還而未能實行！文龍昨日回覆本報記者時說：「我同可盈冇離婚，話我哋分房瞓，我個工人都未必知，點解記者會知呢？仲話我欠可盈成百萬，我點會連百幾萬都冇！如果我啲錢有超過一百萬，唔該寫嗰個記者同我生吞晒多出嚟嗰啲！」文龍又否認可盈爸爸因病住院，他表示昨午才一起午膳：「我唔想人哋作完古仔就要回應，我同可盈好好，唯一唔開心係受到騷擾！」
此外，早前有傳自稱是可盈內地經理人的汪子琦被公安拘留，但最近有消息指她已獲釋。文龍對於有關汪子琦的事不作回應，而簽了汪子琦旗下的嚴淑明，昨日接受電話訪問時揚言自己跟簽了汪子琦旗下的藝人都很支持汪子琦，而對方亦已回復自由，正準備就跟林文龍夫婦之是非，召開記者會作出澄清。