馬詩慧昨日出席活動時表示，大女王曼喜在Dior兼職做暑假工，問到大女會否做嫩模，她即耍手擰頭說：「唔會，我個女都唔係呢批，依家太過賣弄身材，只講外表唔係咁好。（可以搵快錢？）依家畀人感覺啲小朋友好功利同不擇手段！（唔准仔女去書展？）佢哋都唔識睇中文，唔會去書展。（有相睇咪得？）咁又係，兩個F Cup都霸晒啲版位啦！（網民反對嫩模去書展？）我係中立，我唔反對佢哋去呀！」
而盧巧音被問到與樂隊Kolor的主音兼結他手蘇浩材拍拖，即一副冧樣說：「感情幾好，幾穩定，我見過男友屋企人，但佢仲未見過我爹哋媽咪！」對於黃貫中批評棒棒堂咪嘴，被Fans炸爆Blog，她坦言全不知情，但仍力撐好友：「我唔知呢單新聞，不過首先叫大家鎮定啲，可能天時暑熱，大家火氣大啫！我都唔贊成演會咪嘴，人哋真金白銀買飛入場睇你，其實我覺得咪嘴好難，因為要夾番抖氣位。」