性感女神Wylie坦蕩蕩公開睡眠習慣，惹人遐想：「我只着底褲瞓覺，冬天時身體溫度直接同被鋪接觸，感覺會溫暖啲！夏天時又可以即刻涼冷氣，而且上身冇嘢箍住，感覺好舒服！（唔怕咪咪會墮？）驚㗎！因為我鍾意側睡，縮埋一粒骰咁，有時瞓覺個咪咪歪咗，都要撥番正㗎！」問到會否唔戴Bra通屋走？Wylie說：「成間屋只有爸爸一個男人，有時沖完涼會只着波褲，好似男仔咁披條毛巾就返房！（鍾意着T-back、高腰定低腰Under？）低腰，最好係螢光色！突出條底褲邊好靚，我唔鍾意着T-back，勒住唔舒服，着過一次以後唔再着！」

趙碩之坦言半裸睡覺「冬暖夏涼」。 資料圖片	趙碩之因經常通頂溫書而習慣開燈睡覺。	擁有36D身材的趙碩之，對保養咪咪有自己一套。 資料圖片

「釣魚」整濕試卷

她又表示中四時因經常通宵溫書，故早已習慣開燈睡覺：「而且我又懶落床熄燈！（瞓覺有冇試過流口水同打鼻鼾？）好攰時都試過！有次考試仲『釣魚』釣到流口水，搞到整濕份試卷！」此外，她直言睡覺前經常不洗澡：「我鍾意朝早沖涼，醒神啲！不過有次拍劇要落水，搞到好污糟，結果一日沖咗四次涼！（臨瞓前同食完嘢係咪一定會刷牙？）朝早同臨瞓前一定會，不過食完嘢就要睇係咪出街食囉，但箍牙嗰排食完嘢就一定刷牙！」