將於下周五舉行《Rock & Roll演唱會》的黃家強及Paul，前晚到錄音室練歌，雖然早前有傳二人不和，但見他們有講有笑，甚有默契，看來已重拾兄弟情！Paul雖與家強和好，但近日卻辣㷫棒棒堂歌迷！事緣他寸棒棒堂於演唱會咪嘴，引起棒迷不滿，竟發起「炸Blog」行動報復Paul的言論！

棒棒堂最近開騷咪嘴穿崩，引起外界批評。

黃家強（左）與黃貫中展示演唱會精品。

對於被「炸Blog」，Paul竟未有動氣，反而笑笑口說：「我係想向佢哋學習點咪嘛！咪到咁好，真係好難㗎！（棒迷炸你個Blog喎？）你咪炸囉！隨便炸！咁鍾意偶像係咪都想佢哋進步先？如果佢哋覺得冇問題，我都冇問題喎！最緊要玩得開心，睇得開心，唔使咁激動嘅！」

世榮無暇撐場

心情大好的Paul，更與家強展示演唱會紀念品，包括Tee、帽、牛仔褲及人字拖，不過數量不多，只想留作紀念。另外，演唱會已落實邀得陳奕迅、黃耀明、太極及五月天助陣，問到葉世榮會否出現？Paul說：「不嬲都話佢嚟唔到，隨緣啦！唔逼得嘅！」家強則說：「如果佢嚟做神秘嘉賓，我都好開心！」另一邊廂，棒棒堂完成香港演唱會後，日前於台灣出席義賣活動。