15/07/2009

播放本新聞相關短片

方大同水底演嘢凍到面青

昨日牛一的方大同，既忙於灌錄下月推出的新碟《可啦思刻》，同時準備下月在會展舉行的2場演唱會，忙得不可開交！大同日前潛入水底拍攝個唱海報，令他十分難忘：「我冇游水成4、5年，又游得唔叻，不知幾驚！」他在美指要求下穿上襯衫、外套、打領帶及戴上紳士帽，並拿着結他在水底大擺甫士：「我唔可以戴眼鏡或隱形眼鏡，要睜開對眼做表情，真係好難！」雖然潛水前已飲熱湯及食麵包暖胃，但水溫只得20度，凍到他打冷震，上岸時更面青青，最終病倒要服藥：「係好辛苦，不過出嚟嘅效果好滿意！」
方大同於水底拍攝海報，效果不俗。
  • 方大同於水底拍攝海報，效果不俗。