甩拖一段日子的Rosemary最近遭前男友Christopher借昔日關係大造新聞，昨日她出席活動時提起舊愛，她說：「多謝佢！我會Open My Mind，同佢一齊學咗好多嘢！不過之後嘅日子想自己學習。（話你屋企人想你蠢啲？）我阻止唔到佢講咩！」至於母親Julie媽提議她信教，她表示會接受：「神安排嘅嘢我都會聽。」
另外，同場的韓君婷透露三歲時哥哥教她踩單車：「佢話會扶住我，點知佢放手，仲拆咗我兩個輔助轆，不過反而令我學識。」她還透露曾因坐哥哥的單車尾而炒車受傷：「媽咪鬧阿哥，話女仔有疤點算，但我冇因為嗰次炒車而嚇怕，仲學識咗救車！」前晚她與媽咪及友人到跑馬地餐廳聚會，因煙癮起與媽咪到門外煲煙。