由錢國偉監製的《四葉草電視電影》（暫名）昨日進行開鏡，曾參加美少女廚神的盧頌之（DaDa）、上屆香港先生羅天宇及bma球星文彼得等均有現身，而梁芷珊亦率領旗下球員到場。由於被錢國偉揀中的女星都能一劇彈出，故昨日女新人都即場大騷本錢，以性感服飾示人，其中以吊帶花裙、露紫色Bra邊的許珮榆最為性感，令現場燈光閃個不停。首次拍劇的她直言，為尊重場合才以性感打扮示人：「我特登揀番條四葉草裙(口架)！（戲中有感情線？）會有嘅！不過因為今次係電視電影，只會播兩個鐘，所以應該Cut咗！」

許珮榆	柑桔陳蕊蕊（中）俯身，把身旁的陳淑儀（左）及林婉霞比下去。	bma老闆娘梁芷珊及監製錢國偉主持開鏡拜神，祈求拍攝順利。

唔知周秀娜走光

被搶風頭的女主角DaDa自言首次拍劇，劇中將與新人何浩文有感情線，因二人相識已有一段時間，故不擔心傳出緋聞。提到近日鬧出不少反口靚模的聲音，DaDa即跟口靚模劃清界線：「唔擔心，因為唔係講緊我哋。屋企人都有問過，我解釋有公司幫我哋接工作同睇住嘅，所以唔使擔心！」對於師姐周秀娜被指在寫真集中有走光相，DaDa表示未有睇過有關報道，亦不懂安慰對方。另外，羅天宇表示為了角色，要惡補足球技術。