名副其實是「住洋樓、養番狗」的葉翠翠，雖然感情生活成謎，但實情已有三位同居情人！分別是愛犬Pocky、Chika、Pro B。翠翠視三犬為命根，當中對八歲的Pocky最有感情，她說：「以前唔識買，走咗去啲黑店買佢番嚟，點知冇耐佢就有病，仲要日日帶佢去睇醫生吸氣！當時有人叫我放棄，好彩最後醫得番，所以我對佢感情特別深！」憑着無限愛心，翠翠不僅救了Pocky一命，往後更養多兩隻同款的牧羊犬Chika及Pro B陪Pocky。
翠翠透露未養Pocky前，亦曾試過於黑店買狗，早已經歷過生離死別的傷心時刻。她呼籲大家不要幫襯非法狗店，想養狗的話可以到合法狗店或領養，無謂冒險！
