打扮性感的Yumi及Melody昨午出席寫真集煞科宴，當她們扮食麵拍照時，Yumi竟不慎將食物掉在地上，現場男士起哄叫Yumi「執番佢啦」，她竟信以為真立即俯身，最後遭工作人員喝止，場面尷尬！對於Chrissie於寫真集內有疑似露出乳暈，她們聞言異口同聲說：「如果要我哋買，梗係買Angelababy嗰本啦！話晒人靚景靚嘛！」問到她們的寫真集有何賣點時，她倆說：「有比堅尼啦，仲有晚裝同公主裝睇囉！」

Yumi得悉有英超球員疑染愛滋病時大表驚訝。	周秀娜與Baby(右)分別赴塞班島及巴黎拍攝的寫真集，賣點各異。 資料圖片	Baby

恨去西班牙見C朗

此外，Yumi又自爆拍照時攝影師不停叫她「扮可憐」，希望她以鄰家女孩形象突圍而出，而Melody亦趁機大讚師姐：「佢身材好好，只係平時唔騷出嚟啫！（擔唔擔心銷量同競爭？）我哋好有信心，大家Style唔同！如果成績好，希望公司下次可以安排我哋去意大利或者西班牙取景，等我見吓C朗！」當記者告知她們有英超球星因濫交而疑染上愛滋病時，Yumi及Melody均驚訝地說：「身為公眾人物，應該注重形象！可能外國文化係咁啩！」Yumi又自爆忙於為MV排舞，對於趙碩之不滿她拖慢進度，Yumi說：「我喺呢方面冇乜天分，要同排舞老師額外練多啲！」