連開三場的《陸永棟篤撐之我係明『升呢』》前晚尾場，除老闆陳冠希（Edison）撐足三場外，與Edison傳緋聞的周麗淇（Niki）亦有捧場。陸永繼續翻老闆Edison「床照」舊帳娛賓，Talk騷順利結束，問到翻老闆舊帳是否自度？陸永笑說：「唔通佢度畀我咩？佢都係睇現場先知，當然事前有同佢提過講啲乜，始終唔敢亂講！（Edison睇完嘅反應？）佢話知係搞笑，唔嬲，嬲就上台打我喎！（明踩暗撐Edison？）係明撐暗撐，邊有踩過！（擦鞋？）係講我感受啫！」
陸永表示若老闆滿意他的表現，希望以獎金獎勵，三位數都好。而Edison沒有接受訪問，完騷後便到灣仔消夜，昨晚則前往台灣傾談投資開戲事宜。而死敵麥浚龍（Juno）昨日為時裝品牌挑選男主角，提到Edison即極為反感，尤其陸永用「床照」講笑，Juno即寸爆說冇留意、冇睇騷，更指各人笑的定義不同：「我唔覺得好笑嘅嘢，未必人哋都覺得唔好笑，件事已經係舊事，唔明仲有乜咁好笑。」
