攝：追蹤組

霆鋒在灣仔傾完工作後，即乘七人車返家。	霆鋒（右）返回寓所，即緊張地望望新買的林寶堅尼，才放心入屋。	戴碧芝抱着囡囡探訪栢芝。

栢芝懷孕謠言滿天飛，有傳她早前飛往上海探望正在拍攝新片《十月圍城》的霆鋒，再度成功造人，不過又有傳她意外流產，據知情者表示，栢芝現時未有懷孕亦未有流產。而一向錫老婆的霆鋒，繼07年買下50萬凌志房車送給栢芝作生日禮物後，近日「升呢」近6倍，豪擲近300萬買下超級跑車林寶堅尼作為「愛妻號」，認真大手筆！

知老婆鍾意即買

在上海趕拍戲的霆鋒，趁不用開工返港陪栢芝。昨午四時半，霆鋒到灣仔傾工作，身形消瘦不少。約兩小時後，心情勁靚的霆鋒被問是否買林寶堅尼送給栢芝，他直認不諱：「係呀！（補番栢芝生日禮物？）唔係！（獎勵佢生多幾個Lucas？）佢鍾意嘛！（架車幾多錢？）唔講喇！你問番栢芝啦！」未知霆鋒是否在內地生活太久，問到有否恭喜Kelly（陳慧琳）添丁？他竟愕然反問：「邊個Kelly？（陳慧琳生BB！）唔知喎！我返咗嚟兩日咋！梗係恭喜佢啦！」離開灣仔後，霆鋒乘車返回寓所，在停車場下車的他緊張地望了新車幾眼才入屋。

至於有樓又有新車揸手的栢芝，其「禮物」已停泊在億元獨立屋停車場，不過昨日栢芝整日足不出戶，未有駕駛跑車遊車河，只見新車被黑色車冚冚着。霆鋒外出期間，栢芝姊姊戴碧芝帶同囡囡探訪，二人甫見記者即迴避鏡頭。