本文重點
舊年6月，有「翻版關之琳」之稱嘅名模Jocelyn Luko，同模特兒男友Anthony Sandstrom返家鄉夏威夷搞沙灘婚禮，成為一時佳話！1年之後，呢對小夫妻夾定假，靜雞雞再飛去夏威夷，慶祝結婚1周年紀念，佢哋諗住歎完二人世界後，返到香港先話畀大家知！
甜蜜回憶入晒腦
小小So諗住去Jocelyn嘅Facebook，睇吓佢哋有冇Post喺夏威夷影嘅甜蜜相，點知一張相都冇上載！仲以為佢哋費事畀人誤會高調而唔上載，原來佢哋喺夏威夷煙韌時，唔小心跌爛咗部相機，所以一張相都冇影過，亦都因為咁冇相可以Upload！雖然Jocelyn都話好不幸，不過甜蜜回憶經已入咗腦，唔使靠相嚟回憶，諗番都覺得甜到漏！不過話時話，佢哋都鍾意水上活動，又成日去行沙灘，不過去完夏威夷返嚟都冇曬黑，莫非佢哋摸黑行沙灘？