謝安琪、譚詠麟（阿倫）、陳美詩和樂隊Mr.前晚出席《明愛暖萬心》活動，因踢波導致左腳韌帶撕裂的阿倫全程戴護膝上陣，他表示傷口愈合欠佳，醫生要他長期戴護膝：「醫生叫我唔好再踢波，又叫唔好打保齡球，所以好忟，好多運動唔做得，自己力不從心。（陳慧琳生咗BB？）佢就力得從心，都戥佢開心，佢個BB一定係Happy Baby。」席間阿倫更送上蛋糕，為Mr.隊員Ronny慶祝生日，令Ronny受寵若驚，問到生日願望，他表示希望搵到女友。