日前傳出梁詠琪（GiGi）將與法籍男友Sly結婚，昨日出席活動時坦承男友曾「提過吓」結婚：「同佢識咗3年都好舒服，佢係有提過，不過我心大心細唔想草率，大家文化始終唔同，成日都唔喺香港兩邊飛，要認真諗清楚，我同媽咪都要對佢加深啲認識，希望外間唔好咁急，咁會好大壓力，陳慧琳都拍咗16年啦！」問到會否未婚懷孕？GiGi表示未有計劃生兒育女，但希望趁後生做媽咪，又自言傳統的她更稱一定會婚後才生BB。她又承認在法國曾見對方家長：「佢哋好友善，男友都考慮留港發展事業。」
至於GiGi前男友鄭伊健昨日拍攝新片《飛砂風中轉》，他表示會祝福GiGi，並戥她開心。問到與女友蒙嘉慧不時傳分手或結婚，伊健無奈地說：「兩樣都唔係，依家係拍拖正常階段，唔使成日講。（幾時到你結婚？）結咗一樣有人寫。」對於伊健送祝福，GiGi說：「我都有祝福過佢，大家互相祝福，一定會更好。」