打風過後，昨日天氣熱辣辣，周麗淇（Niki）到旺角出席慈善活動，亦要穿上熱褲散熱，但現場逾百途人圍觀，人氣熱氣令她香汗淋漓，不停抹汗大叫：「我濕晒喇！」對於家姐周汶錡被吳耀漢形容為「No money no talk」，Niki強調家姐絕不貪錢：「最緊要我哋知佢係咩人，人生豈能盡如人意，但求無愧於心！」她又指家姐不是蠢女人，不會因面子才原諒法籍未婚夫Julien Lepeu，更隔空催婚：「我想做佢伴娘呀！」
另外，成為周汶錡及Julien之間「第三者」的張苡澂，前晚現身Ball場時直言與Julien冇聯絡：「我都想佢哋好番！（驚人哋話你狐狸精？）我根本唔會咁做，我個世界冇呢個字！」
