12/07/2009

Annie G.紳士帽襯得型

要從衣着上表現女性化一面,不一定要騷胸露腰,有「翻版Angelababy」之稱的Annie G.就愛以中性型Look,帶出女性絲絲嫵媚感,她特別推薦紳士帽的魔力!Annie G.說:「一戴起頂紳士帽就即刻成個人型晒,衫方面可以襯啲中性少少嘅,好似恤衫打呔咁都唔錯,夠晒玩味,中性美又出晒嚟!」她亦是黑白系衣衫的愛好者,她說:「我平時好鍾意黑同白嘅配搭,貪佢簡單易襯,工作時先會揀以鮮色為主嘅衫!」Annie G.常逛的「Prime Girl」專門代理日本「涉谷風格」品牌,以型格玩味的潮服為主打,想變身潮爆日本妹,不妨向Annie G.偷師!