官恩娜（Ella）昨日身穿超低胸裝，出席清酒及電台活動，對於被指生日前夕先後帶外籍男友及舊愛吳卓羲返「私竇」過夜，餘怒未消的Ella一輪嘴炮轟報道失實及有誣衊之嫌：「我屋企有咁多人，點會帶唔同嘅男人返屋企開Party呀？如果佢哋影到都登啦！」她還因而喊了一晚。問與吳卓羲有否聯絡？Ella說：「冇！我上次見佢已經係半年前喺無綫度見到，之後冇聯絡。」
記者轉問其新男友，Ella即變成一副冧樣：「佢叫J先生，係中法混血醫生。」她強調冇一腳踏兩船：「我只得一個男友，我哋每日都會通電話同視像見面，冇可能帶其他男人返屋企。」她透露被偷拍當天正是帶男友回家與家人食飯，問到男友可有過夜？她直認不諱：「如果男友瞓一晚都好正常！好感激佢明白我，冇嬲仲反而安慰我。」
