在香港「得閒死唔得閒病」的祖藍，早前抽出10日空檔，與圈中教徒好友遠赴加拿大傳道，走訪溫哥華、多倫多及蒙特利爾等6個城市。雖然行程緊密，但亦不失為減壓好時機：「我真係好耐冇見過湖光山色，今次畀我睇到夠！雖然冇乜特別嘢玩，但起碼離開工作環境，認真抖吓氣！」

祖藍拿起玩具蕉扮槍，令人啼笑皆非！	祖藍拿起一副設計成鹿頭的望遠鏡，實用又有趣。	難得偷得浮生半日閒，祖藍索性攤在車上Hea。
身為虔誠基督徒的祖藍，與教友分享見證。

破例留倩影

今次行程中，位於Banff的Lake Louise最令祖藍難忘，除了因為該處景色優美外，最大原因是Lake Louise曾是電影《斷背山》的取景地點：「我哋坐咗3個鐘車，見到好靚嘅湖同山，仲有好多可愛嘅松鼠同鹿，同十足城堡嘅酒店，加埋滿天嘅白雲，我覺得好似置身天堂咁正！」他還憶起不少《斷》片的畫面，突然很感動：「我平時好少影相，不過當地太吸引，所以叫朋友幫我影咗幾張！」

除了Lake Louise外，祖藍還推介位於加拿大的歐陸小鎮：「個名我唔記得咗，淨係知呢個地方曾被法國統治過，所以啲人講法文多過講英文。我覺得最抵係唔使去到歐洲咁遠，都一樣感受到歐陸風情，超值！」

文：專案組