梁慧恩（Viann）早前自爆舊愛Peter仍有主動找她，又澄清他並非富豪，只是替人打工，不過，身在北京的吳佩慈即時反擊，指Peter與Viann分手後已沒有聯絡，為男友感委屈，並揚言Viann多番爆料反而令她與Peter感情更穩定！

放大圖片	梁慧恩忍無可忍，開名直指吳佩慈是第三者。 資料圖片

與舊愛未斷聯絡

記者就此事致電Viann，她激動地說：「我覺得件事好煩，沒完沒了！（話你爆料令佢哋更穩定？）我只係講事實，唔好話『爆料』！（話Peter冇搵你？）一定有，佢啲Email到六月中都仲有！我同Peter一齊咁多年，點會一啲瓜葛都冇？佢有啲信仲未改得切地址，仲係寄去我度！」她直言深感委屈：「我同Peter拍拖六年幾仲訂埋婚，係吳小姐（指吳佩慈）以第三者身份介入，我一路都冇指名道姓咁拎出嚟講，係唔想抓爛塊面，同埋得饒人處且饒人，Peter嗰陣一腳踏兩船咗一年，而且吳小姐一路都知我嘅存在！」

Viann又暗示有人博宣傳：「點解我同Peter一齊咁多年都冇人知佢係邊個，而佢（吳佩慈）同Peter一齊就全世界都知？我強調唔係想佢哋唔好，祝佢哋結婚就結婚，生仔就生仔。」她表示此事對其家人傷害甚深：「我全家人以前都好錫Peter，今次係最後一次回應，我男朋友都唔係咁鍾意，唔值得為呢個人罵戰。」

文：影視組