俗語有話「三歲定八十」，當年未夠一歲的小William，除了未學行先學揸「砵砵車」，坐在媽咪新買的玩具車上，開心得手舞足蹈外，小小的William對鏡頭都相當敏感，每當媽咪用傻瓜機影他的得意樣時，William必定「交足戲」，展示天真的燦爛笑容，讓媽咪影到夠：「唔知呢啲係咪叫天生，我細細個就好鍾意揸車同影相㗎！」

小William坐在媽咪新買的砵砵車，展示燦爛笑容。	小William眼仔碌碌、面圓圓，樣子甜美。	小William穿起校服的模樣，迷倒不少女生。

慘食三餐「藤條炆豬肉」

雖然William是家人心目中的金叵羅，但絕不會驕縱他，記得讀小學時，因為讀書成績不好，結果他一晚食足三餐「藤條炆豬肉」：「我嘅意思唔係一晚打三次，係阿媽、家姐同阿哥放工返屋企睇到我張成績表就嬲到七孔出煙，拎住條藤條，打足三次，嚇到我死！」經過這次慘痛經歷後，William不敢再偷懶，謹記努力讀書，以免再「藤條」當飯食。