前晚Chrissie、「八模」及莊思敏齊齊出席活動，對於網友在Facebook上組成「反口靚模入侵書展」群組，Chrissie直言有留意事件：「網上世界有言論自由，講嘢唔使負責任，但應該尊重人！」曾被網友批評而灑淚的她坦言已習慣：「初初都介意，依家唔開心嘅就忘記佢！冇可能全世界都鍾意自己！」問到會否擔心被歸納為嫩模，她坦言嫩模代表後生，自己則會隨成長而脫離嫩模行例。對於嫩模泛指「拋胸」，她表示自己會配合工作與場地性感，暫時未有影響工作。

莊思敏慨嘆模特兒的水準日降。

「八模兵團」與嫩模劃清界線保飯碗。

莊思敏嘆水準日降

至於莊思敏則說：「所有踩界嘢都容易被誤會同針對，佢哋咁暴露有時真係無可厚非，不過網友都唔應該咁講！」她坦言嫩模令書展變質：「我鍾意馬詩慧年代，當時做模特兒有標準高度，依家好似要求下降！女仔賣弄身體唔啱，應該識得保護自己，有啲人可能覺得走光都唔係問題，實在係過咗火！」

而「八模兵團」實行劃清界線：「唔係講緊我哋！去書展唔會驚！」她們透露父母曾過問工作內容：「我哋8個一齊做嘢，唔係同佢哋一齊，唔擔心！」問到會否擔心被歸納為嫩模，她們說：「人哋點睇好難控制！不過，畀啲空間佢哋！」

文：音樂組

攝：林蔚恩