陳冠希（Edison）昨晚於《陸永棟篤撐之我係明升呢》後台接受訪問期間，刻意安排何超儀（Josie）陪同，硬銷藝人，面帶笑容的他說：「我喺亞洲飛嚟飛去傾生意，留幾日、走幾日，會同旗下藝人傾發展，計劃為Josie投資開戲、做佢新碟監製。（開戲畀自己？）絕對唔會，有人畀劇本我睇，但我嘅下一套戲要好小心處理，所以推咗。（今年內復出？）我唔會答，但我諗應該唔會，我要先搞好Josie。（怕網友抨擊？）我唔理人講乜，我信自己得，有人撐有人彈，有人支持我已開心。（準備好復出？）搞好公司先，要令公司生意好。（想長住香港？）我喺香港冇屋企，冇諗過要長住。」

信主的陳冠希（左二），誠心上香。	記者昨日到新光附近陳文媛的美甲店影相，遭保安阻止。	穿上背心大晒麒麟臂的陳冠希（右），昨日和李璨琛齊返鰂魚涌的公司。

拒答曾否向BoBo道歉

訪問尾聲記者問Edison是否想去修甲，他伸出雙手說：「你哋話使唔使？（知唔知BoBo喺附近開咗間美甲店？）工作人員講過。（會去探望？）睇完騷睇佢有冇開。」而當記者問到有否向BoBo道歉時，工作人員即識趣地拉走Edison，但他仍保持微笑，卻未有回答問題。

而Edison昨晨行程十分緊密，離開下榻的四季酒店後，先後到位於銅鑼灣的時裝店及鰂魚涌的唱片公司，心情大靚的他與前來開會的李璨琛任影唔嬲。

至晚上六時許，Edison與陸永、Ｃ君、DJ Tommy現身新光戲院，為陸永Talk騷拜神，身穿大會白Tee的Edison，主動向記者揮手，有途人紛紛取出相機影相。Edison離開前輕拍陸永膊頭，以示鼓勵。而大批記者昨日到新光附近陳文媛的美甲店影相，有保安出面干涉，阻止拍攝。