繼陳慧琳誕下男丁後，已嫁往溫哥華的李婉華昨日亦報喜！已有一名六歲女兒的她，最近再度懷孕，婉華昨日越洋報喜，承認已懷胎六個月，今次所懷的更是孖仔，預產期今年十月，夫婦二人大感驚喜，婉華透露會剖腹分娩。
現年42歲的李婉華，自育有一女後，五年來一直與老公努力「追仔」，但一直未成功而想放棄，當採取順其自然態度後，卻又有喜，故令他們很開心和驚喜，她笑說：「心情放鬆咗，可能更易有。（有乜秘方？）做多啲！老公食多啲冬蟲草！其實係我爸爸嗰邊有親戚試過生孖胎，相信係遺傳有關。（肥咗幾多？）30幾磅呀！之前都有啲嘔，同懷一胞胎冇乜分別，但就食好多嘢，好似『黑洞』咁，食極唔飽！」對於陳慧琳一索得男，婉華亦戥她開心。