陳慧琳（Kelly）昨晨剖腹平安分娩後，圈中潮媽分別送上祝賀及湊B心得作「賀禮」。其中最大反應可算同是一子之母的謝安琪（Kay），Kay接受查小欣訪問時得知Kelly母子平安，Kay即歡呼尖叫：「真係好開心，Send SMS畀佢恭喜佢！件事好偉大，人生咁多開心事，何必為無聊嘢煩。」查小欣問到可有湊仔心得？Kay則指Kelly大肚時亦很靚女，證明她是叻媽咪，不用她的育兒貼士，況且Kelly身邊已有一隊「軍隊」照顧。
而徐濠縈昨日出席SKII活動時，則送上「辛苦」兩字給Kelly，當年她誕下康堤的頭一個月，因老公陳奕迅出埠工作，家中只得老人家及工人幫手，故她凡事一腳踢，她分享經驗說：「第一個月一定好辛苦，當年我餵人奶，好似狗仔生BB咁，半步都唔想離開佢，佢抖氣聲大啲都驚佢窒息，成個人好緊張，我成日都煩住兒科醫生。」
至於三子女之母劉美君則叫Kelly要放鬆心情，並要餵人奶，又指餵人奶是有助收身的最佳方法，因坐低餵一個鐘人奶，已可以消耗五百卡路里，而且母乳能令初生嬰兒健康成長。