原本宣布預產期是8月初的Kelly，前晚突然秘密入院剖腹誕下6磅重牛仔。對於Kelly追仔成功，Fans大感欣喜，昨日討論區上紛紛有網民恭喜她一索得男，而Kelly的官方網亦於昨日公布喜訊。不過網民poohpooh對於Kelly突然提早產子大感疑惑：「唔係下個月先生咩，咁早就生……」而網民danielcc則奇怪Kelly最終為何沒有選擇順產：「又話唔好擇日開刀？」

Kelly的助手Leo，在醫院門外交代Kelly的情況。	網友紛紛在討論區上向Kelly送上祝福。	Kelly着助手Leo向記者派發預防感冒的板藍根及蒸溜水。

據資料顯示，Kelly於2月中宣布有喜三個月，若依照Kelly說法，於昨晨出世的劉BB，在母體內只逗留約34個星期，嚴格來說屬於早產嬰。對於外間擔心KellyBB早產，記者致電Kelly主診醫生何永超詢問有關詳情，由於何醫生公務繁忙，由何太代答。

「剖腹過程冇問題」

何太透露手術過程十分順利，而Kelly亦算母子平安，所以各位Fans不用擔心，她說：「BB好健康、好精靈，6磅重唔算太輕，好合理，剖腹過程冇問題，手術大概用咗一個鐘度，要等Kelly慢慢康復。（點解Kelly早咗生？）你哋問番佢經理人，我哋唔可以講太多病人私隱。（點解選擇開刀？）總之係醫生同病人商量過後嘅決定，亦都未必同Kelly年紀有關係。（Kelly情況點？）好滿意！」對於Kelly表示會嘗試餵人奶，何太表示要視乎其體力及身體狀況而定。其實何永超醫生有「婦產科聖手」之稱，行醫30年，診所位於中環的太子大廈，向他求診的客人非富則貴，客人已排期到明年底。有傳劉嘉玲及李嘉欣均曾向何醫生求診，希望成功懷孕。

對於Kelly比預產期早誕麟兒，婦科醫生余啟文表示，一般孕婦在懷孕滿39周後分娩最理想，但一切視乎孕婦當時身體狀況而定，如果BB在母體內只有34周，決定開刀有好多原因，他表示早產BB可能發育不成熟，加上BB不用瞓氧氣箱則應該沒有問題。