「美麗至上」至上的陳慧琳（Kelly），由宣布懷孕以來一直堅持型格打扮，但她臨盆前一周終於乖乖與高踭鞋告別，改穿平底涼鞋，更捨棄潮Look包到實！
「阿姐」汪明荃：「我都有打電話畀鍾珍，但未覆，我都恭喜Kelly，好戥佢開心。（一索得男！）其實Kelly只係第一胎，又後生，生仔、女都冇所謂，大把時間追，依家醫學昌明，就算個BB六磅幾都OK呀！可以出咗世再補肥佢！」
陳淑芬：「恭喜佢！希望BB快高長大，媽咪快啲再生第二個，三年抱兩！（送乜禮物？）開始會諗。（去探佢？）唔會住啩！等佢休息吓先，好戥佢開心。（BB同張學友同月同日生？）係呀！咁啱！」
琦琦大讚Kelly一索得男好命：「佢好好命，祝佢三年抱兩。（你會再生？）我同老公任達華都偏愛女，貪囡囡可以攬，又可以拖手仔，夠窩心。」
