陳慧琳（Kelly）一索得男，身為閨中密友兼伴娘的黃欐堯（Celia），得知喜訊時為Kelly和小寶寶送上祝福，她表示昨晨經朋友通知下得悉Kelly分娩順利：「Alex（劉建浩）全程陪伴Kelly，BB好健康，BB個樣未成形，不過有齊爹哋、媽咪嘅優良血統，一定係靚B啦！遲啲我會去探佢喇！」她表示早已送了豹紋母子裝給Kelly母子，希望他們繼續前衞。
而與Kelly老友鬼鬼的雷頌德（Mark），接獲喜訊後說：「好開心，恭喜佢，我個仔有伴囉！佢哋年紀差唔多，多個朋友仔。」他還笑說：「我個仔大過佢個仔，可以蝦佢添！哈哈，講笑咋！」身為Kelly恩師的黃栢高也送上祝福：「佢吔兩夫婦係金童玉女，BB一定遺傳到最優良嘅嘢！」奚仲文則說：「我會傳SMS恭喜佢，BB一定好精靈，希望Kelly快啲追多個女。」他又笑言不需要幫BB襯衫，因為Kelly鍾意自己買。此外，Kelly所屬的正東唱片公司發言人也戥Kelly開心，祝她的BB仔肥肥白白，快高長大。
