預產期為8月的陳慧琳前晚在老公劉建浩（Alex）及經理人鍾珍陪同下，到舊山頂道嘉諾撒醫院待產。至昨晨剖腹誕下6磅男嬰，母子平安。36歲的Kelly生仔，老公大為緊張，陪入產房兼全程揸機拍DV、影相，初為人母的Kelly望兒子第一眼感動得眼泛淚光，除嘗試餵人奶，亦透過助手向大家分享感受：「終於見到踢咗我咁耐嘅BB出咗嚟！好感動，聽到BB嘅喊聲好Sweet、好冧！Alex就覺得BB把聲好Man、好磁性。」Kelly續說：「囝囝同張學友同月同日出生，希望囝囝長大後好似學友一樣咁叻、咁有成就，我順道祝學友生日快樂！」Alex則會在醫院陪老婆及囝囝直到出院。據知BB改了英文名「Chace」，據資料所示，「Chace」這個名字有獵人的意思，代表男孩很威猛，對追求目標很有毅力。

Kelly（左二起）由鍾珍和老公Alex陪同下入院。	Kelly爸爸難掩抱孫的喜悅，表示要打金牛送給女兒。	Kelly婚後不久積極造人，終一索得男！ 資料圖片

陳爸爸興奮抱得乖孫

而Kelly父親陳崇偉抱孫更是興奮，昨午他在中環接受本報記者採訪時高興地說：「我未去睇佢哋呀！因為驚有好多記者，同埋個女啱啱生完好『Wing』，唔想阻佢休息。（會送咩禮物畀Kelly？）可能會送隻金牛。」他又透露Kelly未幫囝囝改名，但已有幾個心水選擇，問到會否叫Kelly追多個，陳爸爸說：「應該冇咁快，今日我唔會去探佢住，依家返屋企，我未見過個孫，不過聽人講佢好靚仔。」

一直在產房等待BB出世的鍾珍則開心地說：「開心到係咁笑，BB個嘴似Kelly，個鼻就似爸爸，好得意好靚仔。BB好乖，冇乜點喊！（使唔使照燈？）唔使。」Kelly助手透露Kelly現在休息中主要「瞓吓抖吓，懵懵哋咁」他更表示貪靚的Kelly要遲些才會發相。

對守候的記者，Kelly體貼地派助手向記者送上20支預防感冒的板藍根及30支飲品，由於Kelly父母因怕太多傳媒故不會來醫院。當被問及是否早產時，助手說：「日子係醫生建議，唔係特別擇吉時。」助手又拒絕透露BB出生時間：「出世時間唔方便講，唔想洩露時辰八字。我都唔清楚Alex有冇幫手剪臍帶，今日唔會有親友探訪㗎喇！」