早前何傲兒與父母及姊姊，一家四口到日本旅行，期間與姊姊何傲芝更瘋狂購物，勁花數萬元，她說：「淨係買鞋都買咗成十對，差不多用咗幾萬蚊，不過唔緊要，千金難買心頭好，最可惜係當時唔係減價季節，如果唔係一定買得仲多。」問到她與姊姊有否艷遇，何傲兒即大呻因當地有豬流感（H1N1甲型流感），故她們每次出入一定戴上口罩，可說是零艷遇。
此行何傲兒順道為父親慶祝生日，並送上一條領呔作禮物，何傲兒說：「可以喺當地馬場同爹哋慶祝生日，真係好開心，因為爹哋好鍾意馬。（點解送呔？）爹哋打呔好靚仔，而且我特別鍾意男人着西裝。」
