經常因工作關係往返中港兩地的唐寧，對於豬流感絕不擔心，皆因她除了隨身攜帶消毒紙巾外，內地的防禦措施也做得十分妥當：「我每次搭飛機去內地，一到埗都會有工作人員上嚟同每個乘客探測體溫，確保冇人發燒先至畀我哋走。佢哋啲防禦措施做得咁好，使乜擔心呀！而且我覺得香港人同內地人嘅衞生意識都好好，個個搭飛機嘅都一定戴口罩，令我覺得好安心。」

唐寧擔任產品模特兒，要短時間內做出多種不同表情。

放大圖片

近日一口氣為數個內地化妝品牌擔任模特兒的唐寧，對於內地有政策要求藝人為代言產品負責一事，她笑言無可厚非，自己接工作時格外小心：「其實每次拍廣告之前，都一定會試清楚啲產品有冇副作用，我覺得身為公眾人物，接呢啲工作真係要好小心。」

唔困身冇壓力

雖然由代言人降級兼降價成為模特兒，但唐寧笑謂荷包並未受影響：「其實收平啲做模特兒冇問題，因為做模特兒冇做代言人壓力咁大同咁困身，所以我仲賺多咗錢添！」