問題1. 用身體上邊樣嘢可以修飾雙手？

梁：「嘩！咁難嘅？除咗Hand Cream，仲有咩可以呀？（都話身體某部分咯！）可唔可以棄權？（苦思半分鐘後突然醒起……）我知！係毛髮！因為『無法可修飾的一對手』嘛，哈哈！」

「『毛髮』可修飾的一對手」呢咏爛Gag題，點會難倒我！

弊！呢條咁難嘅……

問題2. 點解啲雀仔跌落水3次都唔死，但跌第4次就死咗？

梁：「因為……（隨即唱出答案）有隻雀仔跌落水、跌落水、跌落水，有隻雀仔跌落水，被水沖去！」

問題3. 小明喺20樓跳落街，冇死到，但係點解死咗隻雞？

梁：「小明咁都唔使死，梗係要劏雞還神！」

問題4. 黑社會最怕着咩？

梁：「着咩？係咪着草呀？」

問題5. 小明綠燈時過馬路，點解最後都畀車撞倒？

梁：「關唔關《紅綠燈》首歌事(口架)？因為歌詞話『明明綠燈轉眼變成紅燈』喎！」

答問題時表情多多的梁嘉琪，笑言十分喜歡唱K，所以凡是與歌詞有關的爛Gag IQ題都難不倒她：「我個腦經常有一大堆歌詞湧現，所以好容易就諗到答案，哈哈！頭先答第一條嘅時候好驚，諗住第一條就唔識會好瘀，唔知係咪因為咁，啟發咗小宇宙，所以即刻成個人轉數快咗，一聽到條問題，個答案就衝口而出喇！」她笑言平日最愛與朋友鬥IQ題：「我份人其實好低能，所以好需要啲爛Gag IQ題嚟調劑吓生命，有時同朋友悶悶哋都會鬥出爛Gag IQ題打發時間，次次都笑到肚痛。」