本文重點
曹格早前慶祝生日時傳出「醉酒被打」，昨日是其30歲生日，他希望大眾給他機會，更幽自己一默：「成日傳我畀人打，不如畀我拍打戲啦！」
曹格昨晚私下與歌迷慶祝生日，經過今次誤傳「醉酒被打」後，他坦言生日願望是希望外界給予機會，而其代言的廣告商亦主動加碼，看來他已得到大眾的信心！
曹格接受本報獨家專訪時強調一切只是意外：「當晚氣氛好好，大家一齊碰杯，之後見到自己隻手流血，本來以為傷口好細，點知外界仲傳我縫咗30幾針，30幾針有隻手咁長啦！我只係縫咗6針咋！（有傳你被打到頭腫面腫？）真係好冤枉！我入行前係有打過交，不過唔代表以後都會！」他最擔心被囝囝三豐誤會是酒鬼：「我唔係要成佛升仙，但係要做個好人囉！」
受傷影響彈琴
曹格昨日到醫院拆線，並指今次受傷影響彈琴：「醫生話要1年時間先可以完全好番喎！」他表明不會因此戒酒，但自爆近年飲酒的心態已改變：「呢個係同朋友溝通嘅方式，不過今次事件同酒精冇關，我以後會小心喺邊度飲！」提到bma即將為他搞香港演唱會，曹格希望此行可認識更多香港導演及監製：「我真係好想拍戲，最想同陳可辛、謝霆鋒合作，霆鋒喺《証人》做得好好！成日都傳我畀人打，不如畀我拍打戲啦！其實我都好打得(口架)！」
文、攝：盧坤穎