阿詩昨日到電台接受《巴巴閉邊個夠我查篤撐》訪問，她表示連日來忙於與阿姐拍攝電視劇《女王辦公室》，提起劇中飾演其媽咪的阿姐，阿詩即表示要為對方平反：「啲人成日話阿姐好惡，但其實佢好好人，成日煲薏米水畀我飲，我助手有日暈咗，佢又喺屋企攞啲私伙黑棗畀佢飲！（阿姐婚後收咗火？）唔係！佢一向都係咁好人！」

放大圖片	阿詩（右）接受查小欣訪問大談愛情觀。

問到有否見過家英哥前往探班，阿詩說：「有呀！探過一次。」其後更扮嗲說：「阿姐一見家英哥即刻話：『好攰呀！』變咗『少女姐』，哈哈！」她還踢爆有阿姐在場很快便可收工：「因為啲工作人員唔敢慢，個個都快手快腳，所以每次都可以早收兩個鐘(口架)！」

大談愛情觀

另外，阿詩在節目中大談愛情觀，卻沒有提及「密友」容祖兒，她自爆早年很黐身，但長大後才發覺空間很重要，主持笑問她「黐」得像膠水還是萬能膠，她笑說：「係白膠漿，可以搣得番！（最近一段感情幾時發生？）入咗行之後，都有三、五、七年(口架)！」