泳兒與方力申昨日出席《港鐵Train出每一程》活動，對於有指蔡卓妍（阿Sa）在男友鄭中基拉攏下，有意過檔金牌大風，泳兒表示不相信：「前幾日睇佢舞台劇，都冇聽佢提起，佢同公司合作得好好，個人發展又好，反而好期待Twins再上舞台，呢個可能性好大，所以冇可能轉公司！唔通到時兩間公司一人派一個咩，到時咪要轉名。（係佢男友拉攏？）唔知係唔係，唔好跣我！（拍拖做嘢開心啲？）我覺得就算有另一半，都唔好成日一齊，要有啲空間！」