古巨基與雷凱欣均支持政府實施「膠袋徵費計劃」，基仔更身體力行，將愛兒Kubi的肖像印製一批環保購物袋，他笑說：「我會用嚟派街坊，送畀朋友、屋企人同Fans，除咗可以支持環保外，仲可以幫Kubi宣傳，一舉兩得！」雷凱欣則情迷日本潮流雜誌附送的品牌靚袋，家中大大話話有數十個靚靚環保袋，她說：「有時為咗個靚環保袋先買嗰本雜誌。」至於鍾舒漫亦自畫兩款Q版環保袋，她坦言是要氹小朋友開心：「我喺袋上面畫咗個得意地球，希望吸引到小朋友，灌輸愛惜地球嘅訊息畀佢哋。」

基仔將Kubi的肖像印製一批環保購物袋派給朋友和Fans。	鍾舒漫畫Q版環保袋，陳偉霆則愛黑色織布環保袋夠型。	放大圖片

陳偉霆最緊要型

眾星支持「膠袋徵費計劃」，對環保袋要求亦高，陳偉霆（William）說：「我唔鍾意用正方形袋，感覺唔夠型，我最鍾意呢個黑色超大嘅織布環保袋，弧形底夠特別。」嫩模鍾蕙芝（Lavina）與胡心諾（Rainbow）亦率領小師妹自備環保袋，Lavina說：「我鍾意用大大個袋，可以載多啲嘢之餘，仲可以放入洗衣機洗，方便又易用。」