憑着35E驕人身材而火速上位的椋名凜，前日被同鄉踢爆曾以「原田志乃」之名拍攝全裸寫真集，最得人驚指她實際年齡是33歲！椋名凜當日在電話中否認傳聞，但記者昨日到其上環模特兒公司追查時，她隨即改口風，承認該輯寫真是八年前所拍。
否認虛報年齡
椋名凜解釋當年在日本發展，公司曾先後為她改兩次藝名，先是原田志乃，後則以椋名凜出道。問到全裸寫真集是否其本人，她終於承認：「係我！不過係又點呢？其實都冇咩問題。（尋日點解唔認？）唔係！只係初時聽唔清楚個名，又冇睇過啲相，所以唔知發生咩事。（啲寫真相好性感！）啲相冇露三點，呢啲係性感嚟(口架)啫！」不過，當提到有指她現已33歲，椋名凜即激動地堅稱只得26歲：「呢輯相係八年前影，我絕對唔係33歲，我係26歲！」當記者要求她出示護照以證「清白」，身邊工作人員即以私隱理由拒絕。
寫真網上賤賣
網友昨日繼續爆料，指椋名凜該本名為《Escape》寫真集，在網上以「跳樓價」出售，由$224跌價至$13.6。問到當年是否以平價接Job，椋名凜說：「我哋係計分紅，冇話平唔平。（話你扮有錢人？）我呢個名係藝名，啲人點會查到我有錢定冇錢。（話你79年出世？）一定唔係，對呢件事有少少唔開心，我知道始終會有人唔鍾意我。」她又透露曾於02年與江口洋介拍攝日劇《午餐女王》，但只擔任小角色。
對於被揭「舊史」，椋名凜的模特兒公司指當初已知對方曾在日本拍寫真，發言人說：「日本好多女藝人都影過，好平常！所以唔會介意，之後我哋都會幫佢出寫真。（全裸？）總之有性感同和服等唔同造型。」
椋名凜Profile（自報版）
姓 名：椋名凜（Kurana Rin）
年 齡：26歲
三 圍：35E、25、34
身 高：165cm
體 重：41kg
學 歷：畢業於日本貴族學府青山學院大學
入行經過：03年被星探發掘，在日本潮流雜誌《JJ》擔任模特兒，後來成為御用Model。
曾參與工作：電影《Harzar》
椋名凜Profile（網友版）
原 名：小椋美智
藝 名：原田志乃
出生日期：1979年5月
血 型：A
出生地：愛知縣
身 高 ：160cm
三 圍 ：34E、24、35
入行經過 ：96年參加偶像水着比賽入行，同年5月投稿寫真，其後拍攝《放學後日誌》。