杏兒、Bosco、鄭嘉穎、王喜及陳茵媺等《烈火雄心3》演員，穿着整齊紀律部隊制服宣傳新劇，當監製王心慰介紹Bosco與陳茵媺是一對時，竟將Bosco與杏兒講成一對，她得悉搞錯時還「死撐」：「你哋喺現實係一Pair呀！」令當事人相當尷尬。杏兒事後否認尷尬：「佢記錯咗《野蠻奶奶》啫！我喺劇入面係同王喜、嘉穎譜三角戀，分散下大家注意力，唔好咁集中，好悶㗎！」對於陳茵媺於劇中「擒錫」Bosco，杏兒笑說：「激嘅留畀佢哋，我哋係成年人嘅感情！」至於Bosco則指監製忙中有錯，並承認與陳茵媺做一對甚有艷福：「佢錫一啖，都要畀佢打幾次先㗎！因為佢係男仔頭女警。」

杏兒（左二）與Bosco（右一）雖然排排坐，但兩人卻當對方透明。

王喜與合作多年的監製王心慰話別時依依不捨。

王喜無力添食

此外，王喜宣布《烈火3》是他最後一次拍《烈火》系列，因過去十年已花盡心血拍攝，若再添食的話怕體能未能應付。他又否認與嘉穎不和，並表示若與嘉穎在人前攬頭攬頸，一樣會被亂寫。