模特兒Rosemary與趙碩之師妹尹蓁晞（Yumi），昨日出席apm舉行的懷念米高積遜（MJ）活動，Rosemary自言8歲已迷上MJ，父母亦是其超級粉絲：「佢係我音樂上第一個偶像，我有齊佢6隻Gold Album，我都想跳舞跳到佢咁好！」但她遺憾從未看過MJ演唱會。她又表示最初收到MJ逝世的消息時覺得難以置信：「我知道世界各地有好多MJ嘅悼念活動，我可能會出席！」
至於Yumi亦表示因郭富城在演唱會中跳MJ的Moonwalk而迷上城城，記者取笑她想與熊黛林爭，她說：「我唔夠佢爭！我亦唔敢奢望做天王嫂！」
