古巨基、呂方及側田等前晚擔任《超級巨聲》評判，從24位參賽者中淘汰4位，93號何雁詩唱到聲淚俱下，側田大讚她是叻女，基仔即踢爆日前飯敍時，側田早已大讚她Cute及唱歌有感染力。未知何雁詩是否太高興，演唱時失控地喊，基仔即提議側田擁抱她，側田尷尬地說：「等佢贏咗先啦！」
另外，33號林景程唱完後，側田本欲說「Pass」（過關），但竟講錯「Press」（傳媒），慘成當晚笑柄！事後側田不禁慨嘆：「我係最細嘅，都慣咗開玩笑，唔使攞呢啲嚟做標題！基仔大佬、美君姐姐都係我前輩，我講嘢多英文都冇辦法，因為我細細個就移民，係咁我以後唔講，你哋唔好搞是非啦！」
