最近嫩模搶住出寫真，個個肯搏肯脫，上位「胸」有成竹，但Baby仍無懼威脅，早在5月時已隨經理人Kim等一行14人到巴黎拍攝《Miss Angelababy》寫真集，並請來著名攝影師CK操刀，寫真集將於21日發售。Angelababy準備逾百套服飾，部分更度身訂造，多款造型性感，站在艾菲爾鐵塔及凱旋門擺出誘人甫士。至於短髮Look則十足柯德莉塔圖在《天使愛美麗》的造型，令人眼前一亮！

巴黎風光明媚，Baby偷得浮生半日閒。	Baby露出玉背，電暈不少電車男。	Baby在寫真集以不同造型出現，令人目不暇給。

拍攝的最後一晚，大隊到法國海鮮餐廳慶功，Baby只喝了一啖香檳，她立即變得情緒高漲兼四圍跳，離開餐廳時更差點跳出馬路，幸Kim一手捉回她，並下令她不得再飲半滴酒！Baby透露今次全部旅費，皆由其代言的2%贊助，亦是她20歲生日當日收到最感動的禮物。

難忘猛男唱情歌

工作之餘，問到可有艷遇？Baby說：「試過拍嘢時，有個男人喺我面前唱情歌，巴黎真係一個好浪漫同好奇妙嘅城市！（難忘事？）有日我哋行Chanel，突然店裏面嘅保安都衝晒出嚟，好似好緊張咁，原來係Karl Lagerfeld駕到！我都係第一次見佢真人，佢係我嘅超級偶像，唔相信會見到佢！」她還到訪一間由老婆婆經營的酒店取景：「間酒店靚到好似電影廠景咁，好難忘！」